Александр Исак иш ташлашининг молиявий оқибатларига дуч келиши мумкин.
Daily Mail нашрининг ёзишича, "Ливерпуль"га ўтишни мўлжаллаётган ҳужумчи "Ньюкасл" жамоаси билан машғулот ўтказишдан ҳам бош тортмоқда.
"Ҳаккалар" ҳозирча Швеция терма жамоаси футболчисини жаримага тортгани йўқ, аммо расмий ўйинларни ўтказиб юборган тақдирда жаримага тортишни бошлайди. Исак АПЛнинг 1-турида "Астон Вилла"га қарши ўйнамаслиги ва бунинг учун жазоланиши кутилмоқда.
Қайд этилишича, клуб тўпурарнинг хатти-ҳаракатларидан ҳафсаласи пир бўлган.













