"Барселона" раҳбарияти икки нафар янги футболчи - дарвозабон Жоан Гарсия ва ҳужумчи Маркус Рэшфордни рўйхатдан ўтказишга рухсат олди. Бу ҳақда Испаниянинг Marca нашри хабар бермоқда.
Манбага кўра, улар бугун, 15 август куни бошланадиган Ла Лига янги мавсумининг дастлабки ўйинлари учун қайдномага киритишга улгуришмоқчи.
Илгари клуб молиявий фейр-плей чекловлари ва маошларнинг юқори чегарасидан ошиб кетиши туфайли кўпчилик янги ўйинчиларни рўйхатдан ўтказа олмаган. Рэшфордга ариза бериш учун раҳбарлар бюджет тақчиллиги ҳолатида 7 миллион евро шахсий маблағ тўланишини расман кафолатлашлари керак эди. "Барселона"дагилар дефицит трансферлар ҳисобига қопланишини ва тўловлар талаб қилинмаслигини кутишмоқда. Гарсияни рўйхатдан ўтказиш учун Каталония клуби Ла Лига комиссиясига Марк-Андре тер Штегеннинг тиббий хулосасини юборди ва унинг тасдиқланишини кутди. Бундан ташқари, ҳимоячи Иньиго Мартинеснинг "Барселона"ни тарк этиши ҳам янги футболчиларни рўйхатдан ўтказишга ёрдам берди.
Испания чемпионатининг янги мавсуми 15 август куни старт олади. Дастлабки турда "Барселона" 16 август куни "Мальорка" меҳмони бўлади.
