"Болонья" ва "Милан" клубларининг собиқ ҳимоячиси Давиде Калабрия "Панатинаикос" футболчисига айланишга яқин турибди, деб хабар бермоқда журналист Жанлука Ди Марцио.
Манбага кўра, футболчи таклифни қабул қилишга тайёр. Унга 3 йиллик шартнома таклиф қилишмоқда. Ҳозирда келишув тафсилотлари бўйича музокаралар олиб борилмоқда.
Калабрия ҳозирда эркин агент, шунинг учун Греция клуби у учун товон пули тўлаши шарт эмас.
28 ёшли футболчи ўтган мавсумни "Милан"да бошлаган, қишда эса ижара асосида "Болонья"га ўтган эди. У жами 27 та ўйинда майдонга тушиб, 1 та гол урган ва 1 та голли узатмани амалга оширган.
