"Лион"нинг ўнг қанот ҳимоячиси Эйнсли Мэйтленд-Найлс фаолиятини Туркияда давом эттириши мумкин. Англиялик футболчи "Галатасарой"нинг трансфер мақсадига айланди. Бу ҳақда RMC Sport хабар бермоқда.
Манбага кўра, турк клуби раҳбарияти футболчининг вакиллари билан трансфер шартларини муҳокама қилиб бўлган. Тез орада "Галатасарой" "Лион"га расмий таклиф билан чиқади.
Мэйтленд-Найлзнинг ўзи фаолиятини Туркия чемпионатида давом эттиришга қарши эмас.
Ўтган мавсумда 27 ёшли ҳимоячи 44 та ўйинда майдонга тушиб, битта гол урган ва еттита голли узатмани амалга оширган. Transfermarkt маълумотига кўра, футболчининг нархи - 12 млн евро.
