Ўзбекистон U-20 ёшлар терма жамоаси 2 июль куни Туркияда давом этаётган ёшлар ўртасидаги жаҳон чемпионати нимчорак финалида Греция ёшлар терма жамоасини 3:1 ҳисобида мағлубиятга учратди ва мусобақа чорак финалига йўл олди.
Ўзбекистон U-20 ёшлар терма жамоасини ушбу ғалаба билан Ўзбекистон Футбол Федерацияси Президенти Мираброр Усмонов ва Осиё Футбол Конфедерацияси президенти Шайх Салмон бин Иброҳим ал-Халифа табриклади. Бош мураббий Аҳмаджон Мусаев эса терма жамоа олдидаги минимум вазифа бажарилганини маълум қилди.
Ўзбекистон ёшлар терма жамоаси жаҳон чемпионати чорак финалида Франция ёшларига қарши тўп суради. Ушбу учрашувда Ўзбекистон ёшлар терма жамоаси марказий ҳимоячилари – Сардор Раҳмонов ва Бобурбек Йўлдошев дисквалификация сабаб майдонга туша олмайди.
Қуйида Газиантеп шаҳридаги Камил Ўжак номли стадионда ўтказилган Греция ва Ўзбекистон ёшлар терма жамоалари ўртасидаги ўйиндан тайёрланган фотогалерея билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).
