"Галатасарой" ҳужумчиси Мауро Икарди майдонга қайтиши биланоқ гол урди.
Хочсимон боғлам узилиши туфайли аргентиналик футболчи ўтган йилнинг ноябридан бери ўйнамаган - шундан бери 282 кун ўтди. Туркия чемпионатининг 2-туридан ўрин олган "Фотиҳ Карагюмрюк"га қарши жума кунги ўйинда форвард 81-дақиқада захирадан майдонга тушди, 87-дақиқада эса дарвозани ишғол қилиб, якуний ҳисобни ўрнатди - 3:0.
Мауро Икарди "Галатасарой"да тўртинчи мавсумни ўтказмоқда. 2023 йилнинг ёзида турк гранди футболчини "ПСЖ"дан 10 млн еврога сотиб олганди.
Истанбул жамоаси чемпионлик ҳимоясини Суперлиганинг янги мавсумида иккита ғалаба билан бошлади.
