"Ливерпуль" "Ньюкасл" ҳужумчиси Александр Исак учун катта таклиф тайёрламоқда.
"Ҳаккалар" "қизиллар"га швециялик учун тахминан 127 миллион евро таклиф қилганида уни сотишдан бош тортди. 25 ёшли футболчининг ўзи кетишни истамоқда ва "Ньюкасл"да ўйнашни давом эттирмоқчи эмас, шунинг учун клуб раҳбарияти барибир юлдузни қўйиб юбориши мумкин. Indykiala хабарига кўра, "Ливерпуль" форвард учун 130 млн фунт (150,5 млн евро) ва бонуслар таклиф қилишга тайёр. Агар келишув амалга ошса, бу Англия футболи тарихидаги энг йирик келишув бўлади.
Миш-мишларга кўра, "Нmюкасл" Александр Исак учун айнан шунча пул сўрамоқда. Transfermarkt портали футболчининг нархини 120 млн еврога баҳоламоқда.
