"РБ Лейпциг" футболчиси Хави Симонсга "Бавария" қизиқиш билдирмоқда.
Журналист Флориан Плеттенбергнинг сўзларига кўра, сўнгги кунларда Мюнхен клуби нидерландиялик футболчи ҳақида бир қанча аниқ сўровлар ўтказди.
Келишувнинг амалга ошиши даргумон, чунки 22 ёшли футболчи "Челси"га ўтишни режалаштирган ва "кўклар" билан оғзаки шартларни келишиб олган.
Лондонликлар ҳали "РБ Лейпциг" билан келишувга эришгани йўқ, лекин катта эҳтимол билан ёз охиригача трансферни ёпади.
Хави Симонс анчадан бери «Бавария»нинг қизиқиш марказида эди: ўтган йили ОАВда клуб раҳбарияти уни ўша пайтда «Байер»да тўп тепган Флориан Вирцга муқобил сифатида кўргани ҳақида хабар берилганди.













