"RB Leypsig" futbolchisi Xavi Simonsga "Bavariya" qiziqish bildirmoqda.
Jurnalist Florian Plettenbergning so‘zlariga ko‘ra, so‘nggi kunlarda Myunxen klubi niderlandiyalik futbolchi haqida bir qancha aniq so‘rovlar o‘tkazdi.
Kelishuvning amalga oshishi dargumon, chunki 22 yoshli futbolchi "Chelsi"ga o‘tishni rejalashtirgan va "ko‘klar" bilan og‘zaki shartlarni kelishib olgan.
Londonliklar hali "RB Leypsig" bilan kelishuvga erishgani yo‘q, lekin katta ehtimol bilan yoz oxirigacha transferni yopadi.
Xavi Simons anchadan beri «Bavariya»ning qiziqish markazida edi: o‘tgan yili OAVda klub rahbariyati uni o‘sha paytda «Bayer»da to‘p tepgan Florian Virsga muqobil sifatida ko‘rgani haqida xabar berilgandi.
