"Челси" бош мураббийи Энцо Маресканинг фикрича, жамоага янги марказий ҳимоячи керак.
Мавсум бошланишидан бироз олдин "кўклар" Леви Колвиллни йўқотишди - унинг хочсимон боғлами йиртилган. Мураббийнинг фикрича, ҳозир жамоада ҳимоя марказида инглизнинг ўрнини боса оладиган футболчилар йўқ.
"Уэсли Фофана бу позицияда 45 дақиқа ўйнади. Бу "Борнмут" билан меҳмондаги ўйиннинг биринчи бўлими эди - бу менинг бу ерда ишлаган давримдаги энг ёмон бўлимлардан бири бўлса керак. Бенуа Бадьяшиль Конференциялар Лигаси финалида шу позицияда ўйнади - "Бетис"га 0:1 ҳисобида ютқазаётгандик. Кейин унинг ўрнига Колвиллни туширдик ва 4:1 ҳисобида ютдик. Бу футболчилар орасида фарқ катта" - деди Мареска матбуот анжуманида.
