Каталониянинг "Барселона" клуби 19 ёшли ҳимоячиси Эктор Форт Англия Премьер-лигаси клубига ўтиши мумкин. Гап Бирмингемнинг "Астон Вилла" клуби ҳақида кетмоқда.

Журналист Маттео Мореттонинг хабар беришича, инглиз клуби вакиллари ҳимоячининг агентлари билан эҳтимолий битим борасида музокарага киришган. Агар томонлар келишиб олса, у ҳолда трансфер яқин бир неча кун ичида расмийлаштирилиши мумкин. Унинг бозор нархи ўн миллион еврони ташкил этади.

Форт ўтган мавсум "кўк-анорранглилар" сафида 21 та учрашув ўтказган. Ҳимоячи "кўк-анорранглилар" билан 2026 йилнинг ярмигача шартнома мажбуриятлари билан боғланган.