"Реал Сосьедад"нинг япониялик ярим ҳимоячиси Такефуса Кубо Испания чемпионатининг нуфузлироқ клубида ўйнаш имкониятига эга. Marca нашри хабарига кўра, 24 ёшли осиёлик футболчининг хизматларига Мадриднинг "Атлетико" клуби қизиқиш билдирмоқда.
"Матрасчилар" устози Диего Симеоненинг шахсан ўзи Такефусанинг Мадрид топ-клуби сафига таклиф этилишини талаб қилмоқда. Ҳозирча "Реал Сосьедад" офисига "Атлетико"дан аниқ таклиф бўлгани йўқ.
2024/2025 йилги мавсумда ярим ҳимоячи 52 та учрашув ўтказди. Такефуса еттита гол урди ва тўртта голли узатмани амалга оширди. Унинг шартномаси 2029 йилнинг ярмигача мўлжалланган.
