Матиас Альмейда Роберто Де Дзербини дунёнинг энг яхши мураббийи деб ҳисоблайди.
"Мен ҳақиқатан ҳам Луис Энрике, Пеп Гвардиола, Антони Конте каби мен билан ишлаш насиб этмаган мураббийларга қойил қоламан.
Ва мен учун дунёдаги энг яхши мураббий - "Марсель" мураббийи.
Ҳаммамиз натижаларга қараймиз, лекин мени ҳам футбол қандай ривожланаётгани қизиқтиради. Менга Робертонинг иши жуда ёқади. Мен уни кўп ўргандим.
Унга қарши уч марта ўйнадим. Ва ҳар сафар у билан дуранг ўйнаганимда ёки ғалаба қозонганимда жуда хурсанд бўламан", - деди "Севилья" бош мураббийи Матиас Альмейда.
Бундан ташқари, Альмейда Арриго Саккини футбол тарихидаги энг яхши мураббийлардан бири деб атади.
