"Ньюкасл" бош мураббийи Эдди Хау Англия чемпионатининг илк турида "Астон Вилла" меҳмони бўлиб, 0:0 ҳисобида дуранг ўйнаганидан кейин ўз фикрларини билдириб ўтди.
"Мен олинган 1 очкодан мамнунман. Ажойиб ўйнадик, ҳужумда яхши эдик, тажовузкор ҳаракат қилдик. Бизда голли вазиятлар бўлди. Рақиб бир киши кам бўлиб қолганидан сўнг, тезликни оширдик. Ғалаба қозона олмаганимиздан хафа бўлдим. Балки гол уришни жуда хоҳлагандирмиз. Футболчилар бор кучларини ишга солишди," - деди Хау BBC Match of the Day нашрига.
Премьер-лиганинг 2-турида "Ньюкасл" ўз майдонида "Ливерпуль"ни қабул қилади. Ўйин 25 август, душанба куни бўлиб ўтади.
