"Манчестер Юнайтед" ёзги трансферлар ойнасидаги харажатлардан кейин бюджетни мувозанатга келтириш учун бир неча футболчисини сотишга мажбур бўлмоқда. Football Insider хабарига кўра, манкунианликлар сафида яқин орада жамоани тарк этмайдиган футболчи бор.

Манбага кўра, "Манчестер Юнайтед" марказий ҳимоячи Харри Магуайрни сотмоқчи эмас. Унинг ўйинидан "қизил иблислар" устози Рубен Аморим тўлиқ қониқиш ҳосил қилган. Қолаверса, манкунианликлар трансфер ойнасининг қолган қисмида ҳимоячи сотиб олишни режалаштирмаяпти.

Ёзда инглиз клуби Магуайр трансфери бўйича бир нечта таклифларни рад этди.

Ўтган мавсумда 32 ёшли ҳимоячи барча мусобақаларда 40 та ўйинда майдонга тушиб, 4 та гол урган ва 1 та голга ҳаммуаллифлик қилган. Бир йилдан сўнг унинг клуб билан шартномаси якунланади.