"Милан"нинг янги бош мураббийи Массимилиано Аллегри жамоа учун ўтган мавсумни клуб учун муваффақиятсиз деб ҳисобламайди.

"Футбол аниқ фан эмас. Баъзи мавсумлар унчалик яхши ўтмайди, лекин бу жамоанинг қадр-қиммати йўқ дегани эмас. Ўтган мавсумда "Милан" Суперкубокни қўлга киритди ва турнир финалида Италия кубоги учун курашди, яъни яхши, шонли ютуқлар ҳам бўлди," - дея Аллегрининг сўзларини келтиради pianetamilan.it.

Келаси ҳафтада бошланадиган Италия чемпионатининг илк турида "Милан" "Кремонезе"га қарши баҳс олиб боради.