"Штутгарт" ҳужумчиси Ник Вольтемаде ёзда "Бавария"га ўтмайди. Мюнхенликлар футболчи учун 60 млн евродан кўпроқ маблағ таклиф қилган, аммо "швабияликлар" рад жавобини беришган.
"Трансфер амалга ошиши учун ҳар доим ҳар уч томоннинг келишуви зарур. Бу ҳолатда ҳеч нарса бўлгани йўқ, биз келишувга эриша олмадик", - дея мюнхенликлар спорт директори Кристоф Фройднинг сўзларини келтиради журналист Фабрицио Романо.
Шанба куни Германия Суперкубоги доирасида "Бавария" ва "Штутгарт" жамоалари ўзаро баҳс олиб борди. Ўйинда мюнхенликлар ғалаба қозонди - 2:1. Ник Вольтемаде ўйинни асосий таркибда бошлади ва ўйин охирига қадар ҳаракат қилди.
