Ҳужумкор ярим ҳимоячи Эберечи Эзе яқин кунларда "Кристал Пэлас"дан "Тоттенхэм"га кўчиб ўтиши мумкин. Аммо, "шпорлар"нинг қизиқишларига қарамай, Эзе якшанба куни Англия Премьер-лигасида "Челси"га қарши ўйинда майдонга тушади. Бу ҳақда The Times хабар бермоқда.
Англия чемпионати 1-тури доирасида "Челси" ва "Кристал Пэлас" жамоалари "Стэмфорд Бридж" майдонида тўқнаш келади. Старт ҳуштаги Тошкент вақти билан соат 18:00 да янграйди.













