Келгуси йилнинг ёзида Шимолий Америкада навбатдаги жаҳон чемпионати бўлиб ўтади, уни бир вақтнинг ўзида учта давлат - Америка Қўшма Штатлари, Мексика ва Канада қабул қилади. Италия терма жамоасининг собиқ ҳимоячиси Жоржо Кьеллини дунёнинг энг нуфузли футбол мусобақаси финалида қайси терма жамоаларни кўрмоқчи экани ҳақида гапирди.
"Италия терма жамоаси у ерда бўлишига жуда умид қиламан, болаларимиз миллий терма жамоани Мундиалда кўришлари керак. Мен Италия ва Анчелотти бошқарувидаги Бразилия терма жамоалари ўртасидаги финални орзу қиламан. Унинг қўл остида ўйнамаганимдан жуда афсусдаман," - дея Кьеллинининг сўзларини келтиради pianetamilan.it.
