Дортмунднинг "Боруссия" клуби "Барселона"нинг ёш иқтидорли футболчиси Гилье Фернандесга қизиқиш билдирмоқда. Бу ҳақда журналист Жанлуиджи Лонгари хабар берди.
Манба берган хабарга кўра, "арилар" марказий ярим ҳимоячининг трансфери бўйича Каталония клубига расмий сўров юборишган. Ҳозирча Гилье Фернандес "кўк-анорранглилар"нинг ўринбосарлари – "Барселона Атлетик" жамоасида ўйнайди. Ваҳоланки, ярим ҳимоячи шу ёзда ҳам клубнинг асосий жамоаси билан иккита йиғинда қатнашган.
Ўтган мавсумда испаниялик футболчи "Барселона" таркибида 32 та ўйинда майдонга тушиб, 7 та гол урди ва битта голли узатмани амалга оширди. Transfermarkt маълумотларига кўра, футболчининг нархи 3 миллион еврони ташкил қилади.
