Dortmundning "Borussiya" klubi "Barselona"ning yosh iqtidorli futbolchisi Gilye Fernandesga qiziqish bildirmoqda. Bu haqda jurnalist Janluidji Longari xabar berdi.

Manba bergan xabarga ko‘ra, "arilar" markaziy yarim himoyachining transferi bo‘yicha Kataloniya klubiga rasmiy so‘rov yuborishgan. Hozircha Gilye Fernandes "ko‘k-anorranglilar"ning o‘rinbosarlari – "Barselona Atletik" jamoasida o‘ynaydi. Vaholanki, yarim himoyachi shu yozda ham klubning asosiy jamoasi bilan ikkita yig‘inda qatnashgan.

O‘tgan mavsumda ispaniyalik futbolchi "Barselona" tarkibida 32 ta o‘yinda maydonga tushib, 7 ta gol urdi va bitta golli uzatmani amalga oshirdi. Transfermarkt ma’lumotlariga ko‘ra, futbolchining narxi 3 million yevroni tashkil qiladi.