"Машъал" - "Андижон" (1:0) учрашувидан сўнг меҳмонлар бош мураббийи Максим Шацких матбуот анжуманида иштирок этди.
- Биринчи навбатда бизни қўллаб-қувватлаш учун узоқ йўл босиб келган мухлисларимиздан узр сўрайман. Мен айбдорман. Баъзи-бир футболчиларимиз ўзларини про лигадаги каби тутишмоқда. Балки улардан катта натижаларни талаб қилаётгандирмиз. Ўйин кўрсатдики, биз учун ўйлаб олишимизга яхши материал бор. Йил якунида қандайдир жидддий хулосалар қиладиганга ўхшаб турибмиз. Кам ўйин амалиётига эга бўлаётган футболчиларга имконият берилди. Афсуски, натижа кўнгилдагидек бўлмади. Ҳозир менга гапириш қийин. Ўйинчиларни таҳлил қилиб чиқамиз. Ким ўсишни хоҳласа, ҳаракат қилса ўсади, ўз устида ишлаб, меҳнат қилмагани ўсмайди. Баъзи ўйинчиларимизни ўйини кўнгилдагидек чиқмаяпти.
- Биринчи даврада "Андижон" "Машъал"ни 1:0 га ютганди. Иккинчи даврада "Машъал" шу ҳисобда ютди. Хомяков жамоаси кучлимиди ёки Шатских жамоаси кучлими?
- Саволни тушунмадим. Қанақа кучли жамоа бўлиши мумкин? Савол мен учун тушунарсиз.
- Легионерларни ўйинидан қониқдингизми?
- Йўқ.
- Легионер дарвозабончи?
- Яхши.
- Хато қилмадими?
- Ҳамма хато қилди, айниқса биринчи таймда. Агар ўз потенциалимиздан тўғри фойдаланганимизда 5:1 бўларди. Афсуски, 1:0 га ютқаздик. Нима қилишимиз керак? Футболчининг индивидуал маҳорати қўл келди. Бу футбол. Демак, машғулотларда янада яхшироқ ишлаш керак.
