"Манчестер Юнайтед"нинг собиқ футболчиси Эрик Байи "Реал Овьедо"га ўтиш арафасида турибди. Инсайдер Фабрицио Романонинг хабар беришича, Ла Лиганинг янги клуби ивуарлик футболчи билан келишувга эришган. Душанба куни 31 ёшли марказий ҳимоячи тиббий кўрикдан ўтади.
Аввалроқ, футболчи оғзаки келишувга эришган Саудия клубига рад жавобини берган эди.
Эрик Байи "Вильярреал"даги бир ярим йиллик фаолиятидан сўнг июль ойида эркин агентга айланди. У Испанияга кўчиб ўтишидан олдин Туркиянинг "Бешиктош" ва Англиянинг "Манчестер Юнайтед" клубларида ўйнаган.













