Лондоннинг "Арсенал" клуби ҳужумчиси Виктор Дьёкереш жамоадаги дебютини яхши ўтказмади.
Швециялик юлдуз "канонирлар" сафида Премьер-лиганинг 1-туридан ўрин олган "Манчестер Юнайтед"га қарши баҳсда асосий таркибда майдонга тушди ва 59-дақиқада захирага олинди. Машҳур WhoScored статистик портали алгоритмлари ҳужумчининг ўйинини 6,2 балл билан баҳолади - бу иккала жамоанинг асосий таркибга кирган барча майдон ўйинчилари орасида энг ёмон баҳо.
Бошланғич таркибдаги барча 22 футболчи орасида фақат "қизил иблислар" дарвозабони Алтай Байиндир (5,5) пастроқ баҳо олган.
Виктор Дьёкереш "Манчестер Юнайтед" дарвозасига бирор марта зарба бермади, атиги тўртта аниқ узатма берди ва 13 та дуэлда атиги учтасида ғалаба қозонди.
