Мадриднинг "Атлетико" клуби сардори Коке Ла Лига 1-туридан ўрин олган "Эспаньол"га (1:2) қарши ўйиндан сўнг журналистлар билан суҳбатлашди.
37-дақиқада "матрасчилар" ҳисобда олдинга чиқиб олган бўлса, бунга майдон эгалари 73 ва 84-дақиқаларда аниқ зарбалар билан жавоб қайтарди.
"Ўз дарвозамиз ва рақиб дарвозаси олдида, айниқса, иккинчи бўлимда қатъият етишмади. Аммо мен натижани адолатли деб ҳисобламайман. Ўйинни гол ўтказиб юбормагунимизча назорат қилдик. Аммо бизни олдинда нима кутаётганини биламиз, биз - "Атлетико"миз," - деди Коке ўйиндан кейинги интервьюсида.
