Ҳужумчи Томас Мюллер биринчи марта "Ванкувер Уайткэпс" сафида майдонга тушди. Юлдуз немиснинг дебюти МЛСнинг "Хюстон Динамо"га қарши ўйинида бўлиб ўтди. У 61-дақиқада ўз жамоаси фойдасига 1:0 ҳисоби вақтида захирадан майдонга тушди. Ўйинда 1:1 ҳисоби қайд этилди.
Томас Мюллер икки ҳафтадан камроқ вақт олдин расман "Ванкувер Уайткэпс"га эркин агент сифатида ўтганди. АҚШга кўчиб ўтишдан олдин ҳужумчи бутун фаолияти давомида Мюнхеннинг "Бавария" клубида ўйнаган.
"Кэпс" Ғарбий конференция турнир жадвалида 26 та ўйиндан сўнг 46 очко билан учинчи ўринда бормоқда.













