"ПСЖ" устози Луис Энрике Франция чемпионатининг 1-туридан ўрин олган "Нант"га қарши ўйиндан сўнг ўз фикрларини билдириб ўтди. Унда пойтахт клуби португалиялик ярим ҳимоячи Витиньянинг голи эвазига 1:0 ҳисобида ғалаба қозонди.
"Мавсум энди бошланмоқда, ОАВ эса аллақачон жамоанинг аҳволидан хавотирда. Биз қандай тайёргарлик кўрган бўлсак, шундай ўйнадик. Биринчи ўйинни яхши ўтказдик, ғалабадан мамнунман. Жамоа хотиржам ва ўз кучига ишонади," - дея испаниялик мутахассиснинг сўзларини келтиради RMC Sport.













