Миланнинг "Интер" клуби ярим ҳимоячиси Давиде Фраттези "Ньюкасл" эътиборига тушиб қолди. 25 ёшли футболчи инглиз клубининг қизиқишлар рўйхатига киритилган, дея хабар бермоқда инсайдер Фабрицио Романо. Манбанинг аниқлик киритишича, айни пайтда "қарғалар" хавбек бўйича таклиф беришни режалаштирмаяпти. "Ньюкасл"нинг асосий мақсади - янги ҳужумчи сотиб олиш.
Давиде Фраттесининг "Интер" билан шартномаси 2028 йилгача мўлжалланган бўлиб, унинг трансфер нархи Transfermarkt талқинига кўра 35 млн еврони ташкил этади. Ўтган ой матбуотда "нерадзуррилар" футболчи билан янги шартнома тузмоқчилиги ҳақида маълумотлар пайдо бўлганди.
