Ибраима Конате трансфер ойнаси охирида "Ливерпуль"дан "Реал"га ўтиши мумкин.
Франция терма жамоасининг 26 ёшли марказий ҳимоячиси билан шартнома 2026 йилнинг ёзигача мўлжалланган. "Ливерпуль" эркин агент сифатида "Мадрид"га ўтган Трент Александр-Арнольднинг сценарийси такрорланишидан хавфсирамоқда.
Аввалроқ, "қизиллар" ёзги трансферлар ойнасининг сўнгги кунларида "Реал" Конате трансфери бўйича таклиф билан чиқишини истисно қилмаётгани ойдинлашганди.
"Қаймоқранглилар" Ибраима учун 20-25 миллион евродан ортиқ таклиф қилмоқчи эмас, чунки французнинг келишуви муддати қисқа. "Ливерпуль" эса 50 млн хоҳламоқда.
Конате ўтган мавсумда АПЛнинг 31 та ўйинида 1 та гол урди, 2 та голга ассистентлик қилди ва 5 та сариқ карточка олди.
