"Интер" дарвоза чизиғини "Антверпен" посбони Сенне Ламменс билан кучайтирмоқчи. Бу ҳақда Het Laatste Nieuws нашри хабар бермоқда.
Манбага кўра, "нерадзуррилар" раҳбарияти жорий йилда 37 ёшга тўладиган дарвозабон Ян Зоммерга узоқ муддатли ўринбосар қидирмоқда. Италия клуби Ламменс бўйича суриштирув ўтказди. "Антверпен" дарвозабонни сотишдан камида 20 млн евро ишлаб олмоқчи.
Ушбу трансфер ойнасида бельгиялик футболчига "Манчестер Юнайтед", "Лидс" ва "Галатасарой" клублари ҳам қизиқиш билдирганди.
Ўтган мавсумда Ламменс "Антверпен" сафида 44 та ўйинда майдонга тушди ва уларнинг 10 тасида ўз дарвозасидан гол ўтказиб юбормади. Transfermarkt маълумотларига кўра, 23 ёшли посбоннинг нархи - 9 млн евро.
