Мерсисайд полицияси Англия Премьер-лигасининг 1-тур учрашуви вақтида "Борнмут" футболчиси Антуан Семеньони ҳақорат қилган "Ливерпуль" ишқибозини гаров эвазига озод қилди. Бу ҳақда The Guardian нашри ҳуқуқ-тартибот идораларига таяниб хабар берди.
"Эркак гаров эвазига қўйиб юборилди. Айни пайтда унга Буюк Британиядаги ҳар қандай расмий ўйинларга бориши, шунингдек, стадионга бир миля (1,6 км) масофадан яқинлашиши тақиқланган. Ҳодиса юзасидан тергов давом этмоқда", - дейилади полиция баёнотида.
Учрашув 15 август, жума куни "Энфилд"да бўлиб ўтди ва "Ливерпул"нинг 4:2 ҳисобидаги ғалабаси билан якунланди. Биринчи бўлимда ўйинда дубль қайд этган Семеньо ногиронлар аравачасида ўтирган "қизиллар" ишқибози томонидан ирқчиликка учраганини ҳакамга айтди. Ҳакам ўйинни тўхтатди ва 47 ёшли эркакни стадиондан ҳайдаб чиқаришди. Кейин маълум бўлишича, у ирқий сабабларга кўра тартибни бузганликда гумонланиб ҳибсга олинган.
