Миланнинг "Интер" клуби ярим ҳимоячиси Кристьян Асллани "Болонья"га ўтиш арафасида турибди. Трансфер қиймати 10 млн еврога баҳоланмоқда, шунингдек, "нерадзуррилар" футболчининг келажакдаги қайта сотуви суммасининг 40 фоизини олади, дея хабар бермоқда инсайдер Николо Скира. "Болонья" албаниялик хавбекка йилига 1,8 млн евро маош билан 2029 йилгача мўлжалланган шартнома таклиф қилди.
Кристиан Аслани 2023 йилда "Эмполи"дан "Интер"га деярли 16 миллион евро эвазига ўтганди. 23 ёшли футболчи миланликлар сафида жами 99 та ўйинда майдонга тушиб, 4 та гол ва 5 та голли узатмага муаллифлик қилган.
