"Ювентус" ярим ҳимоячиси Мануэль Локателлининг фаолиятини Саудия Арабистонида давом эттириш варианти бор.
Бироз аввал хабар берилганидек, "Ал-Аҳли" 27 ёшли футболчи учун "кекса синьора"га 25 млн евро таклиф қилган, аммо рад жавобини олганди. Журналист Николо Скиранинг маълум қилишича, туринликлар 35 млн евродан қимматроқ таклиф тушса, хавбекни сотиш имкониятини кўриб чиқади. Манбага ишонадиган бўлсак, Саудия клуби италиялик футболчига йилига 10 млн евро ва 2 млн бонус сифатида тўлашга тайёр, бу футболчининг ҳозирги маошидан уч-тўрт баробар кўп.
Мануэль Локателли "Ювентус" билан 2028 йилгача мўлжалланган шартномага эга.
