"Вест Хэм" ҳужумкор ярим ҳимоячиси Лукас Пакета ёз охиригача клубни тарк этиши мумкин. Бразилиялик футболчи кетиш ҳақида ўйламоқда ва унга яна "Манчестер Сити" қизиқиш билдирмоқда. Журналист Экрем Конурнинг маълум қилишича, "болғачилар" харидорлар тахминан 30-40 млн фунт (35-46 млн евро) таклиф қилишса, 27 ёшли футболчининг трансферини муҳокама қилишга тайёр.
Лукас Пакетанинг Transfermarkt сайтидаги нархи анча паст - 28 млн евро. Уч йил муқаддам лондонликлар футболчини "Лион"дан 43 млн евро атрофида тўлаб сотиб олган эди. Хавбекнинг амалдаги шартномаси 2027 йилнинг ярмигача мўлжалланган бўлиб, уни бир йилга узайтириш имконияти мавжуд.













