"Бавария" "Челси" билан ҳужумчи Кристофер Нкунку трансфери бўйича келишиб олишга уринишда давом этмоқда. Француз аллақачон бир қарорга келиб бўлган: у Мюнхен гранди сафига ўтмоқчи, у билан ҳамкорликнинг барча шартлари келишиб олинган. Энди барчаси битим тафсилотларини ҳал қила олмаётган клубларга боғлиқ.
Журналист Флориан Плеттенбергнинг ёзишича, "Бавария" таслим бўлмаяпти - душанба куни "Челси" билан трансфер бўйича янги музокаралар бўлиб ўтди. Германия чемпионлари спорт бўлими раҳбари Макс Эберль трансферни расмийлаштириш учун қўлидан келган барча ишни қилмоқда.
Кристофер Нкункунинг вазиятни ўзгартириш истаги ҳақида ўтган мавсумда хабар берилган эди. 27 ёшли форвардни Энцо Мареска жамоасидаги ўринбосар роли қониқтирмаяпти.
