"Аталанта" ҳужумчиси Адемола Лукман "Интер"га ўтмайди. Клублар ўртасидаги музокаралар икки ҳафта олдин боши берк кўчага кириб қолганди - шундан бери вазият ўзгармади. Нуфузли инсайдер Фабрицио Романонинг хабар беришича, яқин бир сутка ичида миланликлар гранди вакиллари нигериялик футболчининг агенти билан боғланиб, трансфер аниқ амалга ошмаслигини маълум қилишади. Ҳужумчи билан оғзаки келишувга эришилганди, аммо "Аталанта" келишувни маъқулламади.
Transfermarkt портали Адемола Лукманнинг нархини 60 млн еврога баҳоламоқда. Футболчининг бергамоликлар билан амалдаги шартномаси 2027 йилнинг ёзигача мўлжалланган.
