"Астон Вилла" Николас Жексонни сотиб олишга қурби етмайди.
Аввалроқ, Бирмингем клуби ҳужумчининг эҳтимолий трансфери бўйича музокаралар олиб бораётгани хабар қилинганди. Жексоннинг ўзи "Челси"ни тарк этиш истагини билдирган.
Бироқ, журналист Флориан Плеттенбергнинг ёзишича, молиявий фейр-плей қоидалари туфайли "Астон Вилла" "Челси"нинг талабларини қондира олмайди ва Жексон учун 60 миллион евродан кўпроқ тўлай олмайди. Клуб ҳужумчини фақат ижара асосида қўлга киритиши мумкин бўлади.
Қайд этилишича, Жексонга "Астон Вилла" бош мураббийи Унаи Эмери қизиқиш билдирмоқда.
