Александр Исак PFA тақдирлаш маросимини ўтказиб юборади.

ESPN нашри хабарига кўра, "Ньюкасл" форварди келажаги ноаниқлиги сабаб бугунги тадбирни ўтказиб юборишга қарор қилган.

Исак 2024/25 йилги мавсум якунларига кўра Англия профессионал футболчилар ассоциацияси (PFA) мукофотининг "Йилнинг энг яхши футболчиси" номинациясида шорт-листга кирди. Шунингдек, Муҳаммад Салоҳ, Алексис Макаллистер, Деклан Райс, Коул Палмер ва Бруну Фернандеш ҳам совринга даъвогарлик қилмоқда.

Аввалроқ, "Ньюкасл" Исакни "Ливерпуль"га 110 миллион фунт ва бонуслар эвазига сотмаган, шундан сўнг ҳужумчи клубда ўйнашдан ва жамоа билан машғулот ўтказишдан бош тортган эди. Қайд этилишича, мерсисайдликлар "Ньюкасл" музокараларга тайёрлигини билдирган тақдирдагина янги таклиф билан чиқишади.