Aleksandr Isak PFA taqdirlash marosimini o‘tkazib yuboradi.
ESPN nashri xabariga ko‘ra, "Nyukasl" forvardi kelajagi noaniqligi sabab bugungi tadbirni o‘tkazib yuborishga qaror qilgan.
Isak 2024/25 yilgi mavsum yakunlariga ko‘ra Angliya professional futbolchilar assosiasiyasi (PFA) mukofotining "Yilning eng yaxshi futbolchisi" nominasiyasida short-listga kirdi. Shuningdek, Muhammad Saloh, Aleksis Makallister, Deklan Rays, Koul Palmer va Brunu Fernandesh ham sovringa da’vogarlik qilmoqda.
Avvalroq, "Nyukasl" Isakni "Liverpul"ga 110 million funt va bonuslar evaziga sotmagan, shundan so‘ng hujumchi klubda o‘ynashdan va jamoa bilan mashg‘ulot o‘tkazishdan bosh tortgan edi. Qayd etilishicha, mersisaydliklar "Nyukasl" muzokaralarga tayyorligini bildirgan taqdirdagina yangi taklif bilan chiqishadi.
