"Манчестер Юнайтед" вингери Алехандро Гарначо Лондонга кўчиб ўтиши мумкин.
Инсайдер Фабрицио Романога маълум бўлишича, "Челси" "Манчестер Юнайтед" билан музокараларда бошқа клублар борасида анча илгарилаб кетган. Таъкидланишича, "қизил иблислар" бош директорининг "Челси" босслари билан муносабатлари аъло даражада, шу боис келишув тез орада ёпилиши мумкин. Аввалроқ, "Манчестер Юнайтед" "Бавария" таклифини рад этганди, чунки Гарначонинг ўзи айнан "Челси"га ўтишни мақсад қилган.
Ўтган мавсумда 21 ёшли аргентиналик футболчи барча мусобақаларда 58 та ўйинда майдонга тушиб, 11 гол урган ва 10 та голга ҳаммуаллифлик қилган.
