"Лейпциг" Кристофер Нкункуни қайтариш устида ишламоқда.
Немис клуби "Челси" билан 27 ёшли форварднинг трансфери борасида музокараларни бошлади, деб хабар беради The Athletic. Томонлар Хави Симонснинг эҳтимолий трансферини ҳам муҳокама қилишмоқда.
Қайд этилишича, клублар Нкунку трансфери бўйича ҳалигача келишувга эриша олишмаган – франциялик бошқа вариантларни кўриб чиқишга тайёр. Лондонликлар футболчини 50 миллион еврога (43 миллион фунт) баҳоламоқда, аммо қишда улар 65 миллион фунт талаб қилишган.
Ўтган мавсумда Кристофер Премьер-лигада 27 та ўйин ўтказиб, 3 та гол ва 2 та голли узатмани амалга оширган.
