"Фиорентина" форварди Лукас Бельтран ЦСКАга ўтишга яқин турибди, дея хабар бермоқда журналист Николо Скира.
Манбага кўра, 24 ёшли аргентиналик футболчи яқин 48 соат ичида фаолиятини қаерда давом эттиришини аниқлаб олади. Италия клуби футболчини сотишга рози бўлди ва унинг қарорини кутмоқда.
Аввалроқ, форвардга "Спартак" ва "Зенит" клублари ҳам даъвогарлик қилаётгани ҳақида хабарлар тарқалган эди.
Бельтран 2023 йилнинг ёзида "Ривер Плейт"дан 12,6 миллион евро эвазига "Фиорентина"га ўтганди. Ўтган мавсумда форвард 47 та ўйинда 6 та гол урди ва 6 та голли узатмани амалга оширди.
