"Fiorentina" forvardi Lukas Beltran SSKAga o‘tishga yaqin turibdi, deya xabar bermoqda jurnalist Nikolo Skira.
Manbaga ko‘ra, 24 yoshli argentinalik futbolchi yaqin 48 soat ichida faoliyatini qayerda davom ettirishini aniqlab oladi. Italiya klubi futbolchini sotishga rozi bo‘ldi va uning qarorini kutmoqda.
Avvalroq, forvardga "Spartak" va "Zenit" klublari ham da’vogarlik qilayotgani haqida xabarlar tarqalgan edi.
Beltran 2023 yilning yozida "River Pleyt"dan 12,6 million yevro evaziga "Fiorentina"ga o‘tgandi. O‘tgan mavsumda forvard 47 ta o‘yinda 6 ta gol urdi va 6 ta golli uzatmani amalga oshirdi.













