"Ливерпуль" ҳужумчиси Муҳаммад Салоҳ PFA томонидан Премьер-лигада йилнинг энг яхши футболчиси совринини қўлга киритгач, интервью берди.
33 ёшли футболчи ўтган мавсумни феноменал тарзда ўтказди, шунинг учун унинг юқоридаги номинациядаги ғалабаси ҳеч кимни ажаблантирмади. Эътиборлиси, соврин "қизиллар" юлдузига рекорд даражадаги учинчи марта насиб этди.
"Мен буни ҳеч қачон унутмайман, чунки ҳеч ким илгари мукофотни уч марта қўлга киритмаган. Бундай ҳолатни одатий ҳол сифатида қабул қилиб бўлмайди. Ўтган мавсум мен учун "Ливерпуль"даги энг яхшиси бўлди, деб ўйлайман. Мен ҳали ҳам ғалабаларга очман - шунинг учун шартномамни узайтирдим. 33 ёшимда ўйинларни ўзгартиришга қодир эканлигимни ҳис қиляпман. Бу менга фахрланиш учун сабаб бўлади, чунки айнан шу мақсадда мен қаттиқ меҳнат қиляпман," - дея Салоҳнинг сўзларини келтиради The Touchline.
Мисрлик футболчи АПЛ-2024/25да 38 та баҳсда 29 та гол ва 18 та голли узатмага муаллифлик қилган. "Ливерпуль" сўнгги беш йил ичида илк бор чемпионликни қўлга киритди.
