"Liverpul" hujumchisi Muhammad Saloh PFA tomonidan Premyer-ligada yilning eng yaxshi futbolchisi sovrinini qo‘lga kiritgach, intervyu berdi.
33 yoshli futbolchi o‘tgan mavsumni fenomenal tarzda o‘tkazdi, shuning uchun uning yuqoridagi nominasiyadagi g‘alabasi hech kimni ajablantirmadi. E’tiborlisi, sovrin "qizillar" yulduziga rekord darajadagi uchinchi marta nasib etdi.
"Men buni hech qachon unutmayman, chunki hech kim ilgari mukofotni uch marta qo‘lga kiritmagan. Bunday holatni odatiy hol sifatida qabul qilib bo‘lmaydi. O‘tgan mavsum men uchun "Liverpul"dagi eng yaxshisi bo‘ldi, deb o‘ylayman. Men hali ham g‘alabalarga ochman - shuning uchun shartnomamni uzaytirdim. 33 yoshimda o‘yinlarni o‘zgartirishga qodir ekanligimni his qilyapman. Bu menga faxrlanish uchun sabab bo‘ladi, chunki aynan shu maqsadda men qattiq mehnat qilyapman," - deya Salohning so‘zlarini keltiradi The Touchline.
Misrlik futbolchi APL-2024/25da 38 ta bahsda 29 ta gol va 18 ta golli uzatmaga mualliflik qilgan. "Liverpul" so‘nggi besh yil ichida ilk bor chempionlikni qo‘lga kiritdi.
