Мадриднинг "Реал" клуби собиқ ҳужумчиси, ҳозирда Қатарнинг "Ал-Гарафа" клубида тўп тепаётган Хоселу Даниэль Карвахаль ва Трент Александр-Арнольд ўртасидаги рақобат ҳақида гапирди.
Юлдуз англиялик футболчи ёз бошида "Ливерпуль"дан сотиб олинган эди. Айнан у Ла Лиганинг биринчи турида "Осасуна"га қарши ўйинда "қаймоқранглилар"нинг асосий таркибида майдонга тушди ва 68-дақиқагача ўйнади, шундан сўнг у Карвахалга алмаштирилди.
"Биз ўз вақтида "Реал" Данилони 40 млн еврога сотиб олганини кўрдик, Карвахалнинг позициясига бошқа футболчилар ҳам келишди. Аммо Данида камдан-кам учрайдиган рақобат гени бор. Бундан ташқари, охир-оқибат, ўйинлар сонини ҳисобга олган ҳолда, ҳар бир позицияда иккитадан футболчи бўлиши фойдали," - дея Хоселунинг сўзларини келтиради Madrid Universal.
