Адемола Лукман "Аталанта" сафида жамоавий машғулотларда иштирок этмайди.
"Интер"га ўтиш истаги фонида вингер аввалроқ клуб машғулотларини ўтказиб юборган эди. Якунда миланликлар нигериялик футболчини ўз сафига қўшиб олишдан бош тортди.
Football Italia нашрининг хабар беришича, кеча Лукман узоқ вақтдан буён илк бор "Аталанта" базасига келди. Футболчи алоҳида шуғулланган ва келажаги ойдинлашмагунча кейинги икки ҳафта давомида индивидуал машғулотларни давом эттиради.
Қайд этилишича, футболчи ва клуб ўртасида воқеа юзасидан ҳеч қандай учрашув ўтказилмаган.
Италияда трансфер ойнаси 1 сентябрь куни кечқурун ёпилади.
