"Краснодар" клуби "Саутгемптон"нинг ярим ҳимоячи Эдуард Сперцян трансфери бўйича таклифини ҳозирча қабул қилмагани маълум бўлди.

Armenie Football нашри тарқатган хабарга кўра айни дамда Англия Премьер-лигасига чиққан "Лидс" 25 ёшли футболчини ўз сафига қўшиб олиш имкониятини кўриб чиқмоқда. Манбага кўра, бу "Краснодар"нинг "Саутгемптон" билан музокараларни чўзиб, таклифни қабул қилмаётганининг сабабларидан биридир. Шу билан бирга, "Лидс"дан ҳозирча таклиф йўқ.

Жорий мавсум статистикаси ҳақида гапирадиган бўлсак, барча мусобақаларни қўшиб ҳисоблаганда, Сперцян саккизта учрашувда саккизта самарали ҳаракат қилди - тўртта гол ва тўртта голли узатма.