"Милан" "Байер" форварди Виктор Бонифасени ўз сафига қўшиб олиш ҳаракатларини яна бир бор фаоллаштирди. Ижтимоий тармоқларда журналист Саша Тавольерининг маълум қилишича, "россонерилар" директори Игли Таре 24 ёшли футболчидан яшил чироқ ёнгандан кейин музокараларни қайта бошлаган.
"Милан" трансфер мақсади сифатида Бонифасени танлади. Энди клублар ўртасидаги музокаралар нима билан якунланишини кутиш қолди.
Нуфузли Transfermarkt портали мутахассислари Виктор Бонифасени 40 миллион еврога баҳоламоқда. Нигериялик футболчи "Байер" сафида 61 та ўйинда майдонга тушиб, 32 та гол ва 12 та голли узатмани ўз ҳисобига ёздириб қўйган.
