"Айнтрахт" клуби "Вердер"нинг 30 ёшли дарвозабони Михаэль Цеттерер билан шартнома имзолаганини расман эълон қилди. Футболчи клуб билан 2029 йилгача шартнома имзолаган.

Цеттерер 2015 йилдан бери "Вердер" сафида ҳаракат қилиб келаётганди ва ўшандан бери Бремен жамоаси сафида 80 та расмий ўйин ўтказган. Ўтган мавсумда Михаэль Бундеслиганинг энг яхши дарвозабонлари қаторига кирди ва унинг барқарор ўйини Германия терма жамоаси мураббийлари эътиборини тортди.

Sky Sport хабарига кўра, трансфер "Айнтрахт"га 5 млн еврога тушган, қўшимча бонуслар эса 800 минг еврогача етади.